" 22 мингдан харид қилиб, 35 мингга сотаяпмиз" — «Ўзавтосаноат»

Бу ҳақда сешанба куни «Ўзавтосаноат» бошқарув кенгаши раиси ўринбосари Азизбек Шукуров маълум қилди.

UzAuto Motors маркетинг бўйича бошқарув директори Александр Сахапов компания нимага Equinox автомобилини $22,8 мингга харид қилиб, аҳолига $33 мингга сотаётганига  изоҳ берди.

«„22 мингдан харид қилиб, 35 мингга сотаяпмиз“ — бу бошқа мамлакатдан сотиб олиш нархи. Унда ҳали етказиб бериш, транспорт ва автомобилни тайёрлаш ҳаражатлари кўрсатилмаган. Якунда Ўзбекистонда Equinox моделининг Redline тўплами 33158 долларда нархланмоқда», — деди у.

Бунга Азизбек Шукуров қимматбаҳо автомобилларнинг ҳисобига анзонлаштирилган машиналардан келаётган йўқотишлар қопланаётганини қўшимча қилди. Унинг айтишича, компания 2020 йилда Spark ва Nexia`дан 550 млрд сўм йўқотган. Equinox, Malibu, Traverse ва Tahoe мошиналаридан эса 500 млрд сўм фойда кўрган.