Қашқадарёда 9 йил муқаддам содир этилган қотиллик жинояти фош этилди, дея хабар қилди Ўзбекистон Бош прокуратураси матбуот хизмати.
Аниқланишича, 2012 йил 24 январда Косон тумани, «Қорабўйин» маҳалласида яшаган Т.Ғ. ўзининг Nexia-2 автомобилида уйидан чиқиб кетиб, бедарак йўқолган.
Унинг машинаси эса Самарқанд шаҳридаги кўп қаватли уй орқасидан топилган.
Терговда аниқланишича, М.О., Т.А. ва Д.С. Ғ.Т.ни ўлдириб, жасадини Чироқчи тумани, «Шўрбозор» маҳалласи ҳудудидаги дала майдонига кўмишган.
Ушбу жиноят иши бўйича 3 нафар шахсга ЖКнинг 97-моддаси билан айб эълон қилиниб, барчасига «қамоққа олиш» эҳтиёт чораси қўлланилган.
Қашқадарё вилоят прокуратураси томонидан тергов ҳаракатлари олиб борилмоқда.