2020 йилнинг 28 январь куни Берлин шаҳрида Ўзбекистон Республикаси Ташқи ишлар вазири Абдулазиз Комилов Германиянинг “Яшил Марказий Осиё” ташаббусига бағишланган конференцияда иштирок этди.
Ушбу ташаббус доирасида Марказий Осиё мамлакатлари ва Афғонистонда иқлим ўзгариши салбий таъсирини юмшатишга қаратилган қўшма лойиҳалар ва тадбирларни амалга ошириш режалаштирилган.
Конференция доирасида Ўзбекистон Ташқи ишлар вазири Абдулазиз Комилов Евроиттифоқ ташқи сиёсат идорасининг янги тайинланган раҳбари, Евроиттифоқ комиссияси вице-президенти Жосеп Боррелл Фонтеллес билан учрашди. Алоқалар давомийлиги ва ҳамкорликка янги тус бериш Ўзбекистон учун ҳам, Евроиттифоқ учун ҳам муҳим ҳисобланади.
Вазир Жосеп Боррелл Фонтеллесни Евроиттифоқ ташқи сиёсат идораси раҳбари этиб тайинлангани билан табриклади ва унга муваффақият тилади. Икки томонлама муносабатларни мустаҳкамлаш ва ривожлантириш бўйича биргаликдаги ишларни давом эттиришга томонлар тайёрлиги тасдиқланди.