Абдулла Арипов: “Ўзбекистонда янги авиакомпания ташкил этилади”

Абдулла Арипов: “Ўзбекистонда янги авиакомпания ташкил этилади”

Ўзбекистон бош вазири лавозимига номзод Абдулла Арипов 2020 йилда Humo Air давлат авиакомпанияси яратилишини маълум қилди. Бу ҳақда «Дарё» нашри хабар берди.

«Авиация соҳасида рақобат муҳитини яратиш мақсадида жорий йилда Humo Air давлат авиакомпанияси фаолияти йўлга қўйилади», деган Абдулла Арипов 18 январь куни Тадбиркорлар ва ишбилармонлар ҳаракати – Ўзбекистон Либерал-демократик партияси Сиёсий кенгаши йиғилишида

Унинг таъкидлашича, авиакомпания аввалига республика ичида амалдагидан анча арзон нархда мунтазам авиарейсларни амалга оширади.

«Президентимиз бу борада ҳукуматга жиддий топшириқ бердилар. Бу вазифани 2020 йилда ташкиллаштириб, бажарамиз», дейди Абдулла Арипов.

Шунингдек, ҳукумат режасида Самарқанд ва Термиз аэропортларини реконструкция қилиш ҳамда амалдаги Uzbekistan Airways авикомпаниясининг самолётлар паркини янгилаш ҳам кўзда тутилганини билдирган.