Афғонистондаги масжидда юз берган портлаш қурбонлари сони 31 нафарга етди, дея хабар бермоқда “Пажвок” агентлиги. Ўнлаб ярадорлар касалхонага олиб борилган.
Нангарҳор вилоятининг Ҳаска Майна туманидаги масжидга айни жума намози пайтида ракета келиб тушган. Ҳодиса оқибатида масжиднинг томи қулаб тушган.
Ҳозирча ҳеч бир гуруҳ мазкур ҳодисани ўз зиммасига олгани йўқ. Расмийларнинг сўзларига кўра, қурбонлар сони ортиши мумкин.