Airbus ўз тарихида илк маротаба Boeingʼдан икки баравар кўпроқ самолёт сотди
4.01.2020 22:32,
233
Франциянинг Airbus концерни ўз тарихида илк маротаба самолёт етказиб бериш бўйича АҚШнинг Boeing авиаширкатини икки баробарлик тафовут билан ортда қолдирди.
Ҳисоб-китобларга кўра, Airbus 2019 йилда 863 та самолёт сотган. Америкаликлар эса 345 дона.
Airbus сотув ҳажмини ўтган йилга нисбатан 7.9%га оширган. Бир йил олдин компания 800 дона самолёт сотган эди.
Boeing сотув ҳажми ўтган йили 806 дона самолётни ташкил қилган. Компания муваффақиятсизлигининг асосий сабаби мартдан бери ишлаб чиқарилиши тўхтатилган
Boeing 737 MAX самолётларидир. Декабрда унинг ишлаб чиқарилиши номаълум муддатга тўхтатилган эди.
Бу йил Boeing, асосан, Boeing 777 ва 787 самолётларини сотган.
Airbus 2011 йилдан бери савдо ҳажми бўйича Boeing'ни қувиб ўта олмаётган эди.
