Ал-Азҳар шайхи «Самарқанд шаҳри фахрий фуқароси» унвони билан тақдирланди

Ал-Азҳар шайхи «Самарқанд шаҳри фахрий фуқароси» унвони билан тақдирланди

Фото: Ўзбекистон мусулмонлар идораси

2020 йилнинг 3–5 март кунлари Самарқанд шаҳрида “Имом Абу Мансур Ал-Мотуридий ва мотуридия таълимоти: ўтмиш ва бугун” мавзусида халқаро конференция ўтказилмоқда.

Ўзбекистон Мусулмонлари Идорасининг маълум қилишича, анжуман доирасида Самарқанд шаҳри ҳокими Бобур Облоқулов Миср ва бутун дунёдаги етакчи исломий ўқув юртларидан бўлган "Ал-Азҳар" мажмуасининг шайхи ва бош имоми Аҳмад Тоййибга “Самарқанд шаҳри фахрий фуқароси” унвонини бериш ҳақидаги қарорни ўқиб эшиттирди.

Шундан сўнг сўзга чиққан шайх Аҳмад Тоййиб “Самарқанд шаҳри фахрий фуқароси” унвонининг берилиши катта эҳтиром экани, бундан жуда мамнун эканлигини изҳор қилди. Шунингдек, Ўзбекистонда диний-маърифий соҳадаги ислоҳотлар халқаро ҳамжамият томонидан ижобий баҳоланаётгани, Ўзбекистон ва Миср ўртасидаги ҳамкорлик алоқалари йилдан-йилга ривожланиб бораётганини айтиб ўтди.