Алибаба қанчалик ишончли? Компания кунига 300 млн. марта киберҳужумларга дуч келмоқда

Алибаба қанчалик ишончли? Компания кунига 300 млн. марта киберҳужумларга дуч келмоқда

Хитой техногиганти Алибабага кунига 300 миллион маротаба хакерлик ҳужумлари уюштирилмоқда. Бу ҳақда компания асосчиси Жек Мага таяниб, CNBC хабар бермоқда.

Манинг сўзларига кўра, 1 млрд. фойдаланувчиси бўлган ҳамда кунига 50 млрд $ транзакцияларни амалга оширадиган AliPayга шунча киберҳужумлар бўлишига қарамай, у хакерларга «бир цент» ҳам бериб қўймаганидан фахрланади.

«Alibaba Groupга кунига 300 миллион марта киберҳужумлар бўлади. Ҳар куни. Аммо шунга қарамай, бизда умуман муаммо йўқ», - дейди Cингапурдаги Forbes CEO конференциясида иштирок этган Ма.

Шунга қарамай, Алибаба бу борада «етакчи» эмас. Яна бир Хитой техногиганти Huawei хавфсизлик директори сўзларига кўра, уларнинг компанияси кунига 1 миллионга яқин киберҳужумларга дуч келмоқда. Бошқа компаниялар ҳозирча бу мавзуга доир расмий маълумот бермаганлар.