Алишер Усмонов Сардобадан азият чеккан Қозоғистон аҳолисига 5 млн долларни улашиб берди
7.05.2020 23:17,
383
Асли ўзбекистонлик бизнесмен Сардоба сув омбори аварияси оқибатида жабрланганларга 5 миллион доллардан зиёд пул ўтказди, дея хабар беради Kazinform Туркистон вилояти ҳокимлиги матбуот хизматига таяниб.
«Россиялик ишбилармон Алишер Усмонов «Туркистон» ижтимоий ривожланиш корпоратив жамғармаси ҳисоб рақамиига Мақтаарал туманидаги тошқинлардан жабр кўрган ва хавфсиз жойга кўчирилган 30 420 киши учун 5 миллион 202 минг АҚШ долларини ўтказди», - дейилади хабарда.
Маълумотларга кўра, ушбу маблағлар зарар кўрган оилаларга 5202 одамнинг шахсий ҳисоб рақамларига ўтказилади.
IntelliNews нашри хабар беришича, Алишер Усмонов Ўзбекистон учун ҳам 10 миллион доллар ўтказди. Лекин бу ҳали расман тасдиқланмади.