Алмазбек Атамбаевни таслим бўлишга кўндирган генералга нисбатан жиноий иш қўзғатилди
14.08.2019 12:14,
33
Алмазбек Атамбаевни таслим бўлишга кўндирган Қирғизистон ички ишлар вазир ўринбосари Курсан Асановга нисбатан жиноий иш қўзғатилди. Бу ҳақда Sputnik хабар қилди.
Хабарда айтилишича, Асанов мансаб ваколатини суиистеъмол қилишда гумонланмоқда. У ички ишлар вазирининг талабини бажармаган ва шахсий таркибни бошқарувсиз қолдирган.
Ҳарбий прокуратура терговни олиб бормоқда. Ҳозирги вақтда Асанов сўроқ қилинмоқда.
Куни кеча, Курсан Асанов ички ишлар вазири ўринбосари лавозимидан озод этилди. Асанов Қирғизистон милицияси манфаатларига хиёнат қилганликда ва ишончни суиистеъмол қилганликда айбланмоқда.