Amazon компанияси асосчиси ва раҳбари Жефф Безос бойликларининг асосий қисмини умри давомида хайрия мақсадларига сарфлашини маълум қилди
16.11.2022 11:11,
13
Amazon компанияси асосчиси ва раҳбари Жефф Безос бойликларининг асосий қисмини умри давомида хайрия мақсадларига сарфлашини маълум қилди. Бу ҳақда The Verge хабар берди.
Сайёрамизнинг тўртинчи энг бой инсони (Жефф Безоснинг соф бойлиги — 124 млрд доллар) иқлим ўзгаришларига қарши курашмоқчи, инсониятни бирлаштиришга аҳд қилганларни қўллаб-қувватламоқчи.
Эътиборли томони, Безос бойлигининг катта қисмидан воз кечиб, хайрия қилишини биринчи марта эълон қилмоқда.
Ундан аввалроқ Microsoft асосчиси Билл Гейтс "деярли бутун бойлиги"ни (айни пайтда 114 млрд доллар атрофида) жаҳондаги энг йирик хайрия ташкилоти — Билл ва Мелинда Гейтслар жамғармаси ҳисобига ўтказишни режалаштираётганини билдирганди.