Американинг IT-гиганти Microsoft сўнгги ҳафта ичида 1000 га яқин одамни ишдан бўшатди, деб ёзади Insider.
Манбаларга кўра, компанияда бир неча ой ишлаган тажрибали ходимлар ҳам, янги келганлар ҳам оммавий ишдан бўшатилган. Ишдан бўшатиш Xbox ва Experiences + Devices жамоаларига, шунингдек, юридик, стратегия ва техник бўлимларга таъсир кўрсатди.
Microsoft "бизнес устуворликларини баҳолаш" дан сўнг воқеани "таркибий тузатишлар" деб атади, аммо 'кейинги йил ўсишнинг асосий йўналишларида ишга ёллашни" давом эттиришга ваъда берди. Июль ойида компания глобал иқтисодий таназзулнинг яқинлашиб келаётган хавфи туфайли 180 000 ишчисининг 1 фоиздан камини ишдан бўшатишини айтган эди.
Шунингдек, Microsoft янги ходимларни ёллашни кескин секинлаштирди.