"Реал" бош мураббийи Карло Анчелотти "Барселона"дан (0:4) учралган мағлубият ҳақида ўз фикрлари билан ўртоқлашди.
- Барселона биздан яхши ўйнади. Бу менинг айбим. Мухлисларни ранжитдик. Улардан узр сўрайман. Ҳаммаси тескари кетди.
- Биз Модрични юқорироққа олиб чиқиб, назоратни ўша ерда қилмоқчи эдик. Бу режа ўхшамади. Гап таркибда эмас. Бу тўлиқ менинг айбим. Модрични 10-рақам позициясига олиб чиқишим иш бермади.
- Айбимни тан олиш муаммо эмас. Бизда ҳамон жадвалда Севилья билан фарқ бор. Терма жамоаларга бериладиган танаффус айни муддао. Сал машқ қилиб, жароҳатланганларни тиклаб оламиз.
- Бэйл бетоб эди ва ўйнай олмасди. Уэльс таркида ҳам тушмаслиги мумкин. Мағлубият жамоани тўхтатмайди. Биз меҳнат қилиб олдинга юришда давом этамиз ва ҳар ўйинда ютишга интиламиз.
- Бензема йўқлиги учун ютқаздик дейиш нотўғри. Ҳаммаси тескари кетди. Тепароқ прессинг қилолмадик. Гол ўтказгач, бутунлай назоратни йўқотдик.
- Мен футболчиларимдан узр сўрадим ва мағлубиятни ўз зиммамга олдим. Мен бир марта бундай адашишим мумкин, иккинчи марта такрорланмайди дея Анчелотти сўзларидан келтирмоқда Marca.