Антарктидада оғирлиги 315 миллиард тонна бўлган айсберг ҳосил бўлди

Антарктидада оғирлиги 315 миллиард тонна бўлган айсберг ҳосил бўлди

У Антарктида материгининг шарқий қисмидаги Эмери музлигидан ажралиб чиққан.

D28 деб номланган музтоғнинг майдони 1 636 квадрат километрни ташкил этиб, у Шотландиядаги Скай оролидан бирозгина кичик, қалинлиги эса 210 метр атрофида. “Олимлар уни синчковлик билан кузатиб боришади, чунки музтоғнинг ҳаракати уммондаги кемалар қатновига хавф солиши мумкин”, деб хабар қилмоқда BBC.

Олимлар бу музтоғ материкнинг янада шарқроқ нуқтасидан, “Бўшашган тиш” деб номланган қирғоқдан ажралиб чиқишини ҳисоб-китоб қилган эдилар.

Эмери Антарктидаги учинчи энг катта музлик бўлиб, майдони 40 минг квадрат километр атрофидадир.