31 декабрда якунланган 2023-молия йилининг биринчи чорагида Apple'нинг соф даромади кескин пасайиб, 29,998 миллиард долларга ёки ҳар бир акция учун 1,88 долларга етди. Йиллик кўрсаткичларда пасайиш 13,4 фоизни ташкил этди, дейилади ҳисоботда. Ўтган молиявий йилнинг шу даврида даромад 34,63 миллиард долларни ёки ҳар бир акция учун 2,1 долларни ташкил этди.

Компаниянинг даромади ҳам ўтган йилги 123,9 миллиард доллардан 5,6 фоизга тушиб, 117,2 миллиард долларга тушди. Ўтган чоракда iPhone сотувидан тушган даромад 65,76 миллиард долларгача, Mac компьютерларини сотишдан эса 7,74 миллиард долларгача камайган. Ўтган йили ушбу соҳалардаги фойда мос равишда 71,63 миллиард ва 10,85 миллиард долларни ташкил қилган.

Молиявий кўрсаткичлар таҳлилчилар кутганидан паст бўлди. Шундай қилиб, FactSet сўрови ўтказган экспертлар компаниянинг ҳар бир акция учун 1,94 доллар даромадини 121,4 миллиард долларга тенг бўлишини башорат қилишди, деб ёзади Интерфакс тегишли маълумотларга таяниб. iPhone сотишдан тушган даромад 67,8 миллиард доллар, Mac сотувидан 9,4 миллиард доллар бўлиши кутилган эди.

Шу билан бирга, iPad сотуви ўтган йилнинг шу даврига нисбатан 29 фоизга ўсиб, 9,36 миллиард долларни ташкил этди, App Store, Apple Music, Apple Pay ва iCloud хизматларидан тушган даромад эса ижобий омиллар ҳисобига бир йил аввал 19,52 доллардан 20,77 миллиард долларга ўсди.

2 февраль куни биржа ёпилгандан сўнг қўшимча савдоларда Apple акцияларининг нархи молиявий ҳисоботлар эълон қилиниши фонида 3,22 фоизга арзонлашди. Молиявий натижалар эълон қилинишидан олдин компания қимматли қоғозлари қиймати кўтарилди.