Савдо маълумотларига кўра, сешанба куни Американинг Apple компаниясининг бозор қиймати 2021 йилдан бери биринчи марта 2 триллион доллардан пастга тушди.
Маҳаллий вақт билан 12:50 ҳолатига кўра, 2023 йилнинг биринчи савдо сессиясида акциялар нархи 4 фоиздан кўпроқ пасайган ва технологик корпорация умумий қиймати 1,98 триллион долларни ташкил қилган.
Декабрь ойи охирида РИА Новости экспертлари Хитойда COVID-19 учун "ноль бардошлик" сиёсати, шунингдек, карантин даврида сотувлар ўсишидан сўнг ускуналарга талабнинг пасайиши Apple даромадининг пасайишига олиб келиши ҳақида огоҳлантирган эди.
Аввалроқ Financial Times нашри Visible Alpha таҳлилий компанияси маълумотларига таяниб, Apple компаниясининг жорий чоракдаги соф фойдаси 8 фоиздан кўпроққа қисқариши кераклигини хабар қилганди. Шундай қилиб, IT гиганти сўнгги 14 чоракда биринчи марта даромадни оширмайди.