Apple компаниясининг пуллик хизматларидан фойдаланувчилар сони рекорд даражадаги 816 миллион кишига етди. Бу ҳақда AppleInsider нашри сайтида хабар пайдо бўлди. Журналистлар ахборот технологиялари корпорациясининг чораклик молиявий ҳисоботидан маълумот олди.
Қайд этилишича, олти ой ичида Apple ўзининг пуллик хизматлари аудиториясини қарийб 30 миллионга оширди.
AppleInsider маълумотларига кўра, бугунги кунда хизматлар Apple учун устувор вазифалардан бири ҳисобланади. Май ойидан бери Apple хизматлари бўйича катта вице-президенти Эдди Кю корпорация даромадларини оширишнинг асосий йўналишлари сифатида стриминг ва рекламани аниқлаган эди.