Piper Sandler инвестиция банки Apple компаниясининг смартфон ишлаб чиқариш тўхтатилиши туфайли кўрган молиявий йўқотишларини баҳолади. Бу ҳақда Appleinsider хабар бермоқда.

Банкнинг ички эслатмасида айтилишича, Apple ва Foxconn iPhone ишлаб чиқаришни қувиб етади, бироқ барибир тўққиз миллион дона етишмайди. Таҳлилчиларнинг таъкидлашича, Америка корпорациясининг йўқотилган фойдаси чоракда саккиз миллиард долларни ташкил қилади.

Мутахассисларнинг эслатишича, йил охирида Янги йил байрамлари фонида бозорда талаб ортиши кутилмоқда, бироқ Apple уни тўлиқ қондира олмайди. «Биз Apple учун ҳисоб-китобларимизни, биринчи навбатда, Чженчжоудаги заводдаги тартибсизликлар билан боғлиқ таъминот занжири хавотирлари туфайли пасайтирмоқдамиз», деб таъкидлади мутахассислар. 

Шу билан бирга, молиячилар кузатилган муаммоларни вақтинчалик деб аташди. Узоқ муддатда улар компаниянинг ҳолатига таъсир қилмаслиги керак. "Apple ҳали ҳам гигант бренд бўлиб қолади", деб таъкидлади ҳисобот муаллифлари.

Bloomberg'нинг дастлабки прогнозларига кўра, Хитойнинг энг йирик iPhone заводидаги норозиликлар iPhone ишлаб чиқаришни олти миллионга қисқартиради.

Экспертларнинг фикрича, йил охиригача IT гиганти 2021 йилнинг шу даврига нисбатан 20 фоизга кам смартфон ишлаб чиқариши мумкин.