Чоршанба куни Оқ уй Миллий хавфсизлик кенгашининг стратегик коммуникациялар бўйича координатори Жон Кирбининг айтишича, Қўшма Штатлар келаси йилда нефть қазиб олишнинг тарихий даражасига эришади.
«Келгуси йилда ўзимизда тарихий даражада кўпроқ нефть ишлаб чиқариш йўлида турибмиз», деди у CNN'га.
Кирбининг қўшимча қилишича, АҚШ президенти Жо Байден ҳам «дунё етакчилари билан нефть қазиб олиш масаласини муҳокама қилишни интиқлик билан кутмоқда».
Байден чоршанба куни Исроилга етиб келди ва президентликка келганидан бери илк Яқин Шарқ бўйлаб сафарини бошлади. 13-16 июль кунлари у Исроил, Ғарбий Соҳил ва Саудия Арабистонига ташриф буюради.