Тошкентдаги АҚШ элчихонаси Twitterʼдаги расмий саҳифаси орқали блогер Нафосат Оллошукурова Ўзбекистон ҳудудини ўз ихтиёри билан мустақил равишда тарк этганини билдирди.

“АҚШ элчихонаси вакиллари Оллошукурова мамлакатни тарк этишидан аввал у билан учрашган ва блогернинг кейинги тақдирини кузатиб боради”, — дейилади элчихона хабарида.

1/2 Blogger Nafosat Ollashukorova left Uzbekistan of her own accord. The U.S. Embassy was fortunate to be able to meet with her before she left and will continue to follow her case closely.

— U.S.Embassy Tashkent (@usembtashkent) 21 января 2020 г.

МАВЗУГА ДОИР: Президент: «Кўп одамларга журналистлар ёқмайди, лекин менга улар ёқади» (видео)

“АҚШ сўз эркинлиги масаласини қатъият билан қўллаб-қувватлашда давом этади — бу ҳар қандай жамият тараққиётига хизмат қиладиган муҳим омил. Президент Шавкат Мирзиёев ҳукумат устидан жамоатчилик назоратини таъминлаш ҳамда ўз ислоҳотлар дастури ижросида эркин ва мустақил ОАВ зарурий эҳтиёж эканини қайд этган. Журналистлар ўз ишини мустақил бажара олиш имкониятига эга, таҳдидлар ва таъқиблардан ҳоли бўлиши керак”, — дея таъкидланган хабарда.

2/2 The U.S. strongly supports #FreedomofSpeech- vital for any society to flourish. Pres Mirziyoyev says critical media is essential for public control of government and success of his reform program. Journalists should be allowed to do their work, not threatened or harassed.

— U.S.Embassy Tashkent (@usembtashkent) 21 января 2020 г.

Нафосат Оллошукурова фуқаролик ишлари бўйича Урганч туманлараро судининг 2019 йил 30 сентябрда ҳал қилув қарорига асосан, ғайриихтиёрий тартибда Хоразм вилоят руҳий асаб касалликлари диспансерига юборилган эди.

Блогернинг диспансерда экани ОАВда кенг муҳокама қилинган, лекин 28 ноябрь куни фуқаролик ишлари бўйича Хоразм вилояти судининг кассация инстанцияси блогер Нафосат (Шабнам) Оллошукурова руҳий касалликлар шифохонасида даволанишни давом эттириш юзасидан қарор чиқарган.

МАВЗУГА ДОИР: Омбудсман вакиллари психологик касалликлар диспансерида мажбурий даволанаётган блогер Нафосат Оллошукурова билан учрашди

Бир ой ўтиб, 28 декабрда Оллошукурова Тошкентнинг Юнусобод туманидаги уйига қайтганди. 31 декабрда АҚШ давлат котиби Майк Помпеонинг Жанубий ва Марказий Осиё масалалари бўйича ёрдамчиси вазифасини бажарувчи Элис Уэллс Ўзбекистонда блогер Нафосат Оллошукурованинг уч ойдан ортиқ руҳий касалликлар касалхонасида ушлаб турилганидан сўнг озод қилинганини яхши янгилик сифатида эътироф этган.

20 январь, душанба куни эса блогер Нафосат Оллошукурова босимлар туфайли Ўзбекистонни тарк этганини маълум қилди.