Валюта курси: Ўз.Р.Марказий банки
USD
АҚШ доллар
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар








АҚШ Иккинчи жаҳон уруши давридаги қонунни қайта тиклади
29.04.2022 06:52,  
540

АҚШ Украина учун кредит-лизинг дастурини қайта тиклади. Бу ҳақда "BBC news" манбаси ҳабар бермоқда.

АҚШ Конгрессининг Вакиллар палатаси Украинага ҳарбий техника экспортини осонлаштирадиган янги қонунни кўпчилик овоз билан қўллаб-қувватлади.

Илгари бу акт аллақачон Сенат томонидан бир овоздан маъқулланган ва энди президент Байденга имзолаш учун юборилади.

Аслини олганда, гап Иккинчи жаҳон уруши давридаги «Ленд-лизинг тўғрисида»ги қонуннинг қайта тикланиши ҳақида кетмоқда, бу эса Қўшма Штатлар президентига мудофааси Қўшма Штатлар учун ҳаётий аҳамиятга эга бўлган ҳар қандай давлатга олдиндан тўловсиз ёрдам бериш ҳуқуқини берди.

Ленд-Лизинг доирасида 1941-45 йилларда Америка ўз иттифоқчиларини, шу жумладан, жуда кўп миқдорда асбоб-ускуналар ва ўқ-дорилар билан таъминлади.

Энди янги дастур нафақат Украинанинг ўзига, балки қандайдир тарзда Россия босқинидан жабр кўрган Польша каби мамлакатларга ҳам ёрдам беришга мўлжалланган.

Ленд-лизинг тўғрисидаги қонун Америка иттифоқчиларини бюрократик кечикишлар ва молиявий қийинчиликларсиз тезда барча керакли нарсалар билан таъминлаш имконини беради.

«Бугун Украина халқи демократия учун ва зулмга қарши курашда олдинги сафда турибди ва Қўшма Штатлар уларга барча зарур инсонпарварлик ва ҳарбий ёрдамни кўрсатиши керак», деди Демократик партия матбуот котиби Мери Гей Сканлон овоз бериш арафасида,  ва у янги қонунни қўллаб-қувватлашга чақирди.

«Украина қўшинлари ақл бовар қилмайдиган куч ва жасорат кўрсатди, шунинг учун биз яна бир бор демократия арсенали ролини ўйнашимиз ва суверенитетини ҳимоя қилиш учун уларни барча зарур ресурслар билан таъминлашимиз керак», деди республикачи сенатор Жон Корнин ўз навбатида.

Ленд-лизинг тўғрисидаги қонун Президент Байден Украинага 33 миллиард долларлик ёрдам пакетини, жумладан 20 миллиард долларлик ҳарбий ёрдамни маъқуллаган куннинг ўзида Вакиллар палатаси томонидан маъқулланди.

«Украина учун ленд-лизинг ниҳоят очилди. Қонун овозга қўйилди. Иттифоқчиларимизга раҳмат», деб ёзди Украина президенти девони раҳбари Андрей Ермак пайшанба куни кечқурун ўзининг Телеграм-каналида.

Тавсия Этамиз








Тавсия Этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан