АҚШ молия вазири Жанет Еллен ОПEК+ гуруҳининг нефть қазиб олишни қисқартириш қарори жаҳон иқтисодиёти учун "фойдасиз ва ақлсиз" эканини айтди. Бу фикрни у Financial Times нашрига берган интервьюсида маълум қилди.

Еллен ОПEК+ қарорини танқид қилди ва бунинг жаҳон иқтисодиётига ёмон таъсир кўрсатаётганини айтди. "Биз ривожланаётган мамлакатлар ва улар дуч келаётган муаммолардан жуда хавотирдамиз", деди у.

Ўқинг қизиқ: Германияни яқин олти ойда "энергетик банкротлик" тўлқини эгаллаб олади.

АҚШ молия вазирлиги раҳбари Вашингтон ҳамкорларини Киевга молиявий ёрдам жўнатишдаги кечикиш учун ҳам қоралади. "Украинага пул ўтказиш тезлиги жуда секин", деди у. Елленнинг сўзларига кўра, Киевга ёрдам ваъда қилган қатор давлатлар тўловларни амалга оширмаган.

5 октябрь куни ОПEК+ келишувида иштирок этувчи давлатлар Венада бўлиб ўтган йиғилишда ноябрь ойидан нефть қазиб олишни сезиларли даражада қисқартиришга келишиб олди. Давлатлар ишлаб чиқаришни август ойида тасдиқланган квоталар бўйича кунига икки миллион баррелга камайтириши керак бўлади.