АҚШ молия вазири Жанет Еллен Канадага ташрифи чоғида Россиянинг нефть фойдасини камайтириш механизми ҳақида гапирди. Унинг сўзларини РИА Новости хабар қилмоқда.
Елленнинг сўзларига кўра, АҚШ ва унинг иттифоқчилари томонидан ишлаб чиқилаётган ташаббус Россия нефтини жаҳон бозорига етказиб беришни кенгайтириш, бироқ айни пайтда унинг таннархини пасайтиришга қаратилган. Унинг таъкидлашича, механизм Ғарб давлатлари томонидан жорий этилган «энергетика чекловларини кенгайтиради ва кучайтиради».
Хусусан, нарх чегараси Европа компанияларига Россиядан нефть етказиб беришни суғурталашни давом эттириш имконини беради, деб тушунтирди Еллен. «Сиз буни ушбу тақиқдан истисно сифатида талқин қилишингиз мумкин», дея қўшимча қилди у.
Аввалроқ, АҚШ президенти Жо Байден Вашингтон ёқилғи нархини барқарорлаштириш, жумладан, маҳаллий бозорда энергия нархини пасайтириш учун барча турдаги воситалардан фойдаланишини айтган эди.