Америка разведка идоралари Владимир Путиннинг атрофидагилар унга нималар бўлаётгани ҳақида аниқ ва тўлиқ маълумот бермаётгани ҳақидаги ҳисоботни қисман ошкор қилди.
Оқ уйнинг алоқалар бўйича директори Кейт Бедингфилд журналистларга ҳисобот мазмуни ҳақида гапириб берди.
Асосий тезислар:
— Путин ва ҳарбий раҳбарият ўртасида кескинлик давом этмоқда;
— Путиннинг маслаҳатчилари унга Россия армиясининг самарадорлиги ва Россия иқтисодиёти санкциялардан қанчалик зарар кўргани ҳақида нотўғри маълумот беришади. Бунинг сабаби, унинг катта маслаҳатчилари унга ҳақиқатни айтишдан жуда қўрқишади;
Худди шундай фикрни Британия электрон разведкаси GCHQ раҳбари Жереми Флеминг, шунингдек, Пентагон матбуот котиби Жон Кирби ҳам билдирган.