АҚШ Конгресси Сенати 28-март, душанба куни АҚШнинг Хитой билан қарама-қаршиликда рақобатбардошлигини ошириш мақсадида техник соҳада мамлакатда яримўтказгичлар ишлаб чиқаришни ривожлантириш учун бюджетдан 52 миллиард доллар ажратишни назарда тутувчи қонун лойиҳасини қабул қилди. Бу ҳақда EurAsia Daily манбаси хабар берди.
Ташаббусни 68 сенатор ёқлаб, 28 нафари қарши овоз берди.
Аввалроқ АҚШ Конгресси Вакиллар палатаси қонун лойиҳасининг Сенат томонидан қабул қилинганидан фарқ қиладиган ўз вариантини маъқуллаган эди. Шу муносабат билан, АҚШ қонун чиқарувчи органининг ҳар иккала палатаси тасдиқланган ташаббуслар тафсилотларини келишиш учун комиссия тузиши керак, шундан сўнг улар қонун лойиҳасининг муросали версияси бўйича яна овоз беришади. Ҳар икки палата томонидан маъқулланса, ҳужжат мамлакат президенти томонидан имзоланади. Bloomberg агентлигининг қайд этишича, қонун лойиҳасининг якуний вариантини тайёрлаш май ойи охиригача якунланиши мумкин.