АҚШ суди Трампнинг TikTok'ни юклаб олишга қўйган тақиқини вақтинча тўсиб қўйди

АҚШ суди Трампнинг TikTok'ни юклаб олишга қўйган тақиқини вақтинча тўсиб қўйди

АҚШ суди мамлакат маъмуриятининг TikTok ижтимоий тармоқ дастурини Google ва Apple иловалар дўконларидан олиб ташлаш тўғрисидаги қарорининг кучга киришини вақтинча тўсиб қўйди. Бу ҳақда ТАСС хабар бермоқда. 

Аслида тақиқ 20 сентабрдан кучга кириши керак эди, аммо АҚШ президенти Доналд Трамп 19 сентабр куни журналистларга TikTok'нинг Америкадаги активларини Oracle ва Walmart томонидан сотиб олинишини маъқуллаганини айтди. Шундан сўнг, Савдо вазирлиги иловани юклаб олиш тақиқининг кучга киришини бир ҳафтага - маҳаллий вақт билан 27 сентябрга қолдирди. Шу билан бирга, 12 ноябрдан АҚШ маъмурлари TikTok'нинг мамлакатдаги фаолиятини чеклашни бошлашни режалаштирмоқда.

Ҳужжатларга кўра, судя Карл Николс TikTok эгаларининг иловани юклаб олишни тақиқлаш тўғрисидаги қарор кучга кириши тўғрисида вақтинчалик блоклаш тўғрисидаги илтимосини қондирди, аммо "ҳозирча" ҳукуматнинг мамлакатдаги ижтимоий тармоқ ишини чеклаш тўғрисидаги 12 ноябрдан бошлаб қабул қилган қарорига нисбатан худди шундай тақиқ ҳақидаги талабни рад этди.