"Сурия нефт ва табиий ресурслар вазирлиги маълумотларига кўра, АҚШ назоратидаги тузилмалар ҳар куни 66 минг баррелгача нефтни ноқонуний экспорт қилади, бу кунлик углеводородлар қазиб олишнинг 80 фоизини ташкил қилади. Вашингтоннинг нефт ўғирлаш кўлами максимал даражага етди", — дейилади хабарда.

Қайд этилишича, шу сабабли мамлакатда оғир гуманитар вазият сақланиб қолмоқда, миллионлаб сурияликлар энергия, озиқ-овқат ва сув танқислигига дучор бўлмоқда.

Эслатиб ўтамиз, жорий йилнинг 21-август куни “Шана” ахборот агентлиги АҚШ қўшинлари Сурия шимоли-шарқидаги курдлар назорати остидаги ҳудудлардан 137 та нефт танкини олиб чиққани ҳақида хабар берди.