АҚШ БМТ Хавфсизлик кенгашига “Толибон“ ҳаракатидан террорчи мақоми ва санкцияларни олиб ташлашни сўраб мурожаат қилди, деб маълум қилди Россия президентининг Афғонистон бўйича махсус вакили Кабулов.
“Нью-Йоркдаги ҳамкасбларимиз мурожаат қилди ва биз ҳам иш олиб бормоқдамиз. Бу мавзудаги маслаҳатлашувлар давом этмоқда“, — деди Кабулов.
Унинг қайд этишича, санкцияларни олиб ташлаш тўғрисидаги қарор 29 майгача қабул қилиниши мумкин.
Эслатиб ўтамиз, 29 февраль куни Қатар пойтахти Доҳада АҚШ ва “Толибон” ҳаракати ўртасида тинчлик келишуви имзоланди. Келишувни АҚШнинг Афғонистон бўйича махсус вакили Залмай Халилзод ҳамда “Толибон” етакчисининг ўринбосари, ҳаракатнинг Қатардаги офиси раҳбари мулла Абдулла Ғани Бародар имзолади.