АҚШ озиқ-овқат ва дори-дармон маъмурияти (FDA) Эбола вирусига қарши қўлланган ремдесивир антибиотигини коронавирусга қарши қўллаш учун рухсат берди.

Ушбу рухсат антибиотикни Covid-19 билан касалланган одамларда қўллаш мумкинлигини билдиради.

Сўнгги клиник тадқиқотлар шуни кўрсатяптики, дори жиддий касалланган одамларга қайта тикланиш вақтини қисқартириш учун ёрдам беради.

Бироқ у омон қолиш даражасининг сезиларли ошишига олиб келмайди.

Мутахассислар аслида Эболани даволаш учун ишлаб чиқилган дорини коронавирус учун "мўъжизакор ўқ" сифатида кўрмасликни тавсия қилмоқда.

Вирус геномига кирган дори уни кўпайиш қобилиятини йўқ қилади.

АҚШда бу дори Калифорниядаги Gilead pharmaceutical компанияси томонидан ишлаб чиқарилади.

Компания бош директори Дэниел О'Дей АҚШ президенти Доналд Трамп билан учрашув чоғида 1,5 миллион қути дори хайрия қилишини маълум қилди.