Кечаги мурожаатда ҳам, ўтган кунги Олий Мажлисдаги чиқишларда ҳам, Президент нутқи жараёнида кўп қарсак чалишганига салбий муносабатлар билдирилаяпди. Аслида, бутун дунёда давлат раҳбарларининг катта жамоатчилик олдида чиқиш қилиши – сиёсий шоу ҳисобланади.
Масалан, Америкада, Президентнинг Конгрессдаги чиқишлари жараёнларида, камида 40-50 марталаб қарсак чалиб, уни нутқини бўлишади. Францияда ҳам шундай. Англияда эса, Бош вазирни чиқиш қилиши – дунёда ўхшови йўқ шоу ҳисобланади.
Агар Президент нутқи жараёнида ҳеч қандай қарсак бўлмаса ҳам, зал ва сиёсий муҳит ўлик кўринган бўларди. Агар қасаклар сохта бўлса, яъни, оддий фикрга ҳам чалинса – бу ҳам жамоатчиликда салбий қабул қилинади.
Бугунги Президент мурожаатида, жамият учун долзарб концептуал ғоялар, ташаббуслар ва таклифлар айтилди. Залдагиларнинг янги таклифларни қарсаклар билан қабул қилиши – Президентни ислоҳотлар сиёсатига қўллов, ҳамда, янги лойиҳаларга чорловчи чақириқ ҳам ҳисобланади.
Менимча, ўзбекистонликлар ҳам, бутун дунёдаги каби, қарсакларни сиёсий томошо, давлатчилик руҳиятини парваришлаш анъанаси сифатида қабул қилиши керак.