АҚШнинг Starship Technologies компанияси ўтган август ойида эълон қилинган 40 миллион долларлик молиялаштириш босқичидан сўнг, Темпе (Аризона штати) шаҳрида роботлар орқали озиқ-овқат етказиб бериш хизматини ишга туширди.
Ҳозирда Covid-19 пандемияси анъанавий ресторанларни ёпишга ва бизнесини қисқартиришга мажбур қилаётган бир вақтда Starship каби лойиҳалар учун бу ўсиш имкониятини тақдим этмоқда.
“Охирги ҳафталар ичида контактсиз етказиб бериш хизматига бўлган талаб каррасига ортмоқда. Роботларимиз бешта мамлакатда автоном етказиб беришни амалга оширмоқда ва улар ҳамма учун ҳаётни бироз осонлаштириши мумкинлигидан миннатдормиз”, — дейди компаниянинг бизнесни ривожлантириш бўйича раҳбари Раян Туоҳи.