Aраб телеканали "beIN SPORTS" ўзининг "Twitter"даги саҳифасида, Жаҳон антидопинг агентлиги (WADA) Россия терма жамоасини 2022 йил Қатарда бўлиб ўтадиган Жаҳон чемпионатида қатнашишдан четлатилганини маълум қилди.
Журналистлар WADA манбасига таянган ҳолда хабар беришмоқда. Бироқ, суҳбатдош агентликнинг қарори ҳақида ҳеч қандай маълумот бермади. WADA ҳам ҳозирча расмий тасдиқни тақдим этмади.
2019 йил декабрь ойида WADA Россияни халқаро мусобақаларда иштирок этишни тўрт йилга тўхтатиб қўйди. Бу йирик мусобақалар, жумладан, Олимпия ўйинлари ва Жаҳон чемпионатларидир. WADA мувофиқлик комиссиясининг раҳбари Жонатан Тейлорнинг таъкидлашича, Россия жамоаси 2022 йилги Жаҳон чемпионатининг финал қисмига етиб борган тақдирда, турнирда фақат нейтрал ҳолатда чиқиши мумкин.
Россия антидопинг агентлиги (РУСAДA) WADA санкцияларига расман норозилик билдирди. Яқин кунларда Лозанна шаҳридаги спорт ҳакамлик судида(CAS) суд жараёни бошланади. CAS ҳукми чиқмагунга қадар, Жаҳон агентлигининг қарори кучга кирмайди.