Арманистондаги инсон ҳуқуқлари ҳимоячиси Арман Татояннинг таъкидлашича, Озарбайжон Тоғли Қорабоғдаги можаро зонасида ҳарбий ҳаракатлар пайтида оқ фосфирли бомбалардан фойдаланган. Обмудсман ўз изланишлари ҳақида Facebook саҳифасида хабар қилди, деб ёзмоқда Медуза нашри.
Озарбайжон ҳозирги кунгача олинган маълумотларга кўра Тоғли Қорабоғга қарши фосфорли ўқ-дориларни фуқаролар яшайдиган аҳоли пунктлари яқинидаги ўрмонларга ўт қўйиб ишлатмоқда. Кўплаб фуқаролар ушбу ўрмонларда Озарбайжон қуролли кучларининг ўқ ва ҳужумларидан яширинган.
Арман Татоян фосфорли ўқ-дориларнинг ишлатилишини кўрсатадиган видеони ҳам саҳифасига жойлаштирди.
Фосфирли бомбалар қўлланиши ҳақида Тоғли Қорабоғ мудофаа армияси ҳам иддао қилмоқда.
Озарбайжон Мудофаа вазирлиги фосфорли қурол ҳақидаги даъволарни асоссиз деб атади. "Озарбайжон армияси халқаро ҳуқуқ томонидан тақиқланган қурол ва ўқ-дорилар билан қуролланмаган", - дейилади вазирлик хабарида.
Оқ фосфор ишлатилган ўқ-дорилар 1949 йилги Женева конвенциясига қўшимча протокол билан тақиқланган.