Ижтимоий тармоқларда "Asalhoney" номи билан танилган insta-блогер ўз уйида ўлдириб кетилганлиги ҳақида хабарлар тарқалган эди.
Бош прокуратура мазкур хабарлар юзасидан расмий баёнот берди.
Аниқланишича, жорий йил 18 март куни Яшнобод тумани, Махтумқули кўчасидаги уйда А.Х.нинг мурдаси қотиллик аломатлари билан топилган.
Мазкур ҳолат юзасидан Тошкент шаҳар прокуратураси томонидан Жиноят кодексининг 97-моддаси (Қасддан одам ўлдириш) билан жиноят иши қўзғатилиб, жиноятни фош этишга қаратилган тезкор-тергов ҳаракатлари олиб борилмоқда.