2022 йил август ойида Россиядан Хитойга кўмир ва табиий газ етказиб бериш тарихий рекорд ўрнатди, дейилади Россиянинг Хитойдаги элчихонасининг Телеграм-каналида.
Хитой Бош божхона бошқармаси (ГCC) маълумотларига кўра, Хитой август ойида Россиядан жами 409,37 миллион долларга табиий газ импорт қилган.
"Бу кўрсаткич 2017 йилнинг камида январь ойидан бери энг юқори кўрсаткич – Хитой божхонаси учун максимал кузатув даври", — дея таъкидлайди дипломатик миссия.
Август ойида Россиядан Хитойга кўмир экспорти ҳам 5 йил давомида максимал даражага етди - 8,542 миллион тонна. Хитой Халқ Республикаси Давлат божхона хизмати маълумотларига кўра, июль ойига нисбатан етказиб бериш 15 фоизга ошган, йиллик ҳисобда эса ўсиш 57 фоизни ташкил этмоқда.