Тошкент шаҳрида Ўзбекистон Республикаси Олий Мажлиси Қонунчилик палатасининг сайловдан кейинги биринчи мажлиси бўлиб ўтмоқда. Унда Ўзбекистон президенти Шавкат Мирзиёев иштирок этмоқда.
Қонунчилик палатасига соғлиқни сақлаш тизимини назорат қилиш ваколатини берилганди. Бу яхши самара бермаяпти, деди Шавкат Мирзиёев.
МАВЗУГА ДОИР: «Аввалгидай, ёзиб берилган саволни ўқиманг» – Шавкат Мирзиёев
“Одамлар тиббий хизматлардан норози, дорилар нархидан норози. Албатта, тиббиёт ходимлари обрўсини ҳам ошириш лозим. Шароитларни яхшилаймиз. Палатанинг мазкур йўналишдаги фаолияти кутилган натижаларни бермаётгани мени жиддий ташвишга солади. Тиббиётга мисли кўрилмаган маблағни ажратдик. Натижа йўқ эмас, аммо у етарли эмас”, – деб таъкидлади давлат раҳбари.
МАВЗУГА ДОИР: Президент: «Кўп одамларга журналистлар ёқмайди, лекин менга улар ёқади»
Шавкат Мирзиёев онкологик, кардиологик ва эндокринологик касалликларни даволаш ишларида камчиликлар борлигини таъкидлади.
Айрим шифохоналарнинг ўзида инфекция тарқаяпти, қайд этди Шавкат Мирзиёев.
МАВЗУГА ДОИР: Шавкат Мирзиёев янги депутатларга: Сизлар халқчил қонунлар қабул қилишингиз керак