Франция президенти Эммануэл Макрон OPEK'нинг икки асосий аъзоси бўлган Бирлашган Араб Амирликлари (БАА) ва Саудия Арабистони нархлар ўсишини тўхтатиш учун нефть қазиб олишни ошириши даргумон, деб ёзади Reuters.
Макрон АҚШ президенти Жо Байден билан суҳбатда БАА президенти Шайх Муҳаммад бин Зоид Ол Наҳаян билан телефон қўнғироғини эслатиб ўтди. Иккинчиси мамлакатнинг ишлаб чиқариш қуввати аллақачон максимал даражада эканлигини айтди.
Саудия Арабистони қисқа муддатда ишлаб чиқаришни кунига атиги 150 минг баррелга оширишга қодир. Катта ҳажмлар учун қиролликка тахминан олти ой керак бўлади, дея таъкидлайди агентлик. Қўшма Штатлар энг йирик нефть ишлаб чиқарувчилардан ишлаб чиқаришни сезиларли даражада оширишга эришмоқчи, бу эса жаҳон бозорида талаб ва таклиф мувозанатини тиклашга ёрдам беради.
Аввалроқ «Катта еттилик» мамлакатлари Россия нефти нархини унинг транспорт ва суғурта учун маржинал нархини жорий этиш орқали чеклаш имкониятини муҳокама қилаётгани хабар қилинганди. Июнь ойи бошида Европа Иттифоқи Россияга қарши санкцияларнинг олтинчи пакетини тасдиқлаган эди. Чекловлар орасида Москвадан нефть сотиб олишдан қисман рад этиш ҳам бор.