ИШИД раҳбари Абу Бакр ал-Бағдодий АҚШ ҳарбийлари Сурияда ўтказган операция чоғида ўлган бўлиши мумкин. Бу ҳақда АҚШ оммавий ахборот воситалари хабар тарқатди.
Айтилишича, Идлиб вилоятида ўтказилган ҳарбий операция пайтида Бағдодий ўзини портлатиб юборган. CNN хабарига кўра, Америка ҳарбийлари барча текширувни тамомламагунга қадар ИШИД етакчисининг ўлгани расман тасдиқланмайди.
АҚШ президенти Дональд Трамп Твиттердаги саҳифасида муҳим воқеа юз берганини айтган, бироқ тафсилотларни очиқламаган.
Абу Бакр Бағдодийнинг ўлгани ҳақида аввал ҳам бир неча бор хабарлар тарқалган.