Барселона миллиард евро даромад топадиган биринчи спорт жамоасига айланиши мумкин. Бу ҳақда Sport24 хабар қилади.
Барселона раҳбарияти 2018/2019 молиявий йил учун 990 миллион евро миқдоридаги рекорд даромадни эълон қилди.
Каталония клубининг шу даврдаги харажати 973 миллион еврони, соф фойдаси 5 миллион еврони ташкил қилди.
2019/2020 мавсумдаги даромадлар режаси 1.047 млрд. еврони ташкил қилади. Агар Барселона ушбу кўрсаткичга эришса, у тарихда миллиард евродан ошиқ даромадга эга бўлган биринчи клуб бўлади.