АҚШ президенти Жо Байден Британия бош вазири Лиз Трасс таклиф қилган иқтисодий режани бошиданоқ хато деб ҳисоблади. Бу ҳақда РИА Новости хабар бермоқда.

Унинг таъкидлашича, у Буюк Британиянинг иқтисодий сиёсатининг тўғрилигига шубҳа қилган "ягона эмас". 

Байден, шунингдек, Лондоннинг хатти-ҳаракатларини олдиндан айтиш мумкинлигини қўшимча қилди. Бироқ, Америка раҳбарининг қайд этишича, барча қарорлар британияликларнинг ўзига боғлиқ бўлиши керак.

Аввалроқ Британия бош вазири ўз вазирлар маҳкамасининг солиқ сиёсати мамлакатда иқтисодий беқарорликка олиб келиши мумкинлигини тан олганди. Шунингдек, у тезроқ натижаларга эришиш учун тактикани ўзгартириш ниятида эканлигини айтди.

Сентябрь ойида Европа Иттифоқи мамлакатлари молиячилари Лиз Трасс бошчилигидаги Британия ҳукуматининг инқирозга қарши сиёсати истиқболларига шубҳа билан баҳо бергани маълум бўлди. 

Хусусан, улар Британия Молия вазирлиги раҳбари Квази Квартенгнинг давлат қарзини ошириш орқали аҳолининг энг камбағал қатламлари учун солиқларни камайтириш режасини танқид қилишди. Германия молия вазири Кристиан Линднер бу чораларни "ҳукумат газга, марказий банк эса бир вақтнинг ўзида тормозга босадиган кенг кўламли тажриба" деб атади.