Жо Байден янги лавозимига ўтириши билан, эндиликда собиқ президент, Доналд Трамп томонидан имзоланган 15га яқин қарорларни бекор қилди.

Чоршанба оқшомида ўзининг янги офисида Байден тезроқ ҳаракат қилиш лозимлигини, “кутиб ўтиришга вақт йўқлигини” таъкидлади.

"Бугун имзо чекадиган қарорларим пандемияга, иқлим ўзгаришларига қарши курашга, ирқий тенгликни таъминлашга қаратилган”, деди Байден.

Байден, биринчи навбатда, Жаҳон соғлиқни сақлаш ташкилотига қайтишни, Париж иқлим келишувига қайта аъзо бўлишни ўз олдига мақсад қилган.

Асосий қарорлардан бири имиграция масалаларига қаратилган эди. Жумладан, Байден баъзи Мусулмон давлатларга қарши тадбиқ қилинган таъқиқни бекор қилди. Ушбу давлатлар қаторида қўшни Қирғизистон ҳам бор эди.