Байрутда ҳукуматга қарши намойишлар иштирокчилари норозиликларга, ҳукумат биноларига бостириб киришган. Юзлаб қурбонлар ҳақида хабар берилган. Намойишчилар Байрут портида портлашдан кейин ҳукумат истеъфосини талаб қилмоқда. Ливан Бош вазири муддатидан олдин парламент сайловларини ўтказишни таклиф қилди.
Байрутдаги намойишлар вақтида 728 киши ҳибсга олинди. Бир нафар полиция офицери ҳалок бўлди.
Аввалроқ Ливан армияси намойишчиларни Байрутдаги иқтисодиёт ва энергетика вазирликлари биноларидан ҳайдаб чиқарган эди.
Хабар қилинишича, Ливан пойтахтида ҳукуматга қарши оммавий намойиш пайтида намойишчилар ва ҳуқуқни муҳофаза қилиш органлари ходимлари ўртасида тўқнашувлар юз берган.
Намойишчилар Ливан Ташқи ишлар вазирлиги биносини эгаллаб олди, аммо кейинчалик улар ҳарбийлар томонидан ҳайдаб чиқарилди.
Хабар қилинганидек, Байрутда ҳукуматга қарши ҳаракатлар кучайган. Намойишлар 4 август куни Байрут портида кучли портлаш юз берганидан кейин авж олди. Мухолифат бунга ҳукумат айбдор деб ҳисоблайди. Бу фақат ўтган йилнинг кузидан бери кўтарилаётган норозилик кайфиятини янада кучайтирди.