Ўзбекистон Халқ таълими вазирлиги баъзи вилоятларда маҳаллий ҳокимият вакиллари мактабларда ўқувчилар иштирокида мажлислар ўтказаётгани ҳақида маълум қилди.
«Халқ таълими вазирлиги ўқитувчилар иштирокида мажлислар ўтказиш бўйича топшириқ бермаган. Вазирлик вилоят халқ таълими бошқармаларига ортиқча мажлислар ва йиғилишлар ўтказмаслиги бўйича топшириқ берди», — дейилади хабарда.
Шу билан бирга, вазирлик маҳаллий ҳокимият вакилларидан ўқитувчиларни хизмат мажбурияти билан боғлиқ бўлмаган ишларга жалб қилмасликларини талаб қилди.
Эслатиб ўтамиз, якшанба куни Ўзбекистонда илк бор Covid-19 коронавирусига чалиниш ҳолати рўйхатга олинган эди. 15 март куни бўлиб ўтган Ўзбекистон бош вазири Абдулла Арипов раислигида ўтказилган шошилинч йиғилишда 16 мартдан барча таълим муассасаларига таътил берилди. Шунингдек, оммавий маросимлар ва одамлар кўп тўпланадиган бошқа тадбирлар вақтинча бекор қилинди.