Бир кунда қарийб 600 янги ҳолат аниқланди - Ўзбекистон
14.07.2020 09:23,
524
13 июль, душанба куни мамлакатимизда 594 ҳолатда касаллик қайд этилди. Шундан 272 нафари карантин муассасаларида, 322 нафари аҳоли орасида аниқланган.
Шу билан бирга, бугун 3 нафар коронавирусга чалинган бемор вафот этди.
Бугун Тошкент шаҳри ва Наманган вилоятидаги тиббиёт муассасаларида 178 нафар фуқаро соғайди.
Ҳозирда касаллик қайд этилган жами 13591 нафар бемордан 8030 нафари соғайиб, даволаниш кўрсаткичи 59 фоизни ташкил этмоқда.
Айни пайтда тиббиёт муассасаларида даволанаётган 5498 нафар бемордан 45 нафари оғир, 7 нафари эса ўта оғир аҳволда.
Ҳозирда мамлакатимизда уй карантинида 51 555 нафар, стационар карантинда эса 23 860 нафар фуқаро тиббий кузатувда бўлиб турибди.