Даркнетдаги форумлардан бирида Telegram мессенжерининг бир неча миллион фойдаланувчиси ҳақида маълумотлар мавжуд бўлган маълумотлар базаси тарқалди.
Маълумотлар базаси тахминан 900 МБни ташкил қилади. Мақола муаллифининг таъкидлашича, файлга Telegram'даги тахаллусларни (никнеймлар) киритиб, тахаллус эгасининг телефон рақами, жумладан таҳририят ходимларининг рақамларини топса бўлади. Бундан ташқари, мессенжер фойдаланувчиларининг уникал идентификаторлари топилди. Маълумотлар базасида қанча фойдаланувчининг маълумотлари борлиги аниқ эмас.
“Маълумотларнинг 84% дан ортиғи 2019 йил ўрталаригача тўпланган. Ушбу маълумотлар базасидаги аксарият аккаунтлар (камида 60%) аллақачон аҳамиятсиз маълумотларни ўз ичига олган ”, - деди Telegram матбуот хизмати вакили.