Бишкек шаҳрининг ҳокими в.б. уч ҳафтада олти марта алмашди

Бишкек шаҳрининг ҳокими в.б. уч ҳафтада олти марта алмашди

Фото: Reuters

Уч ҳафта ичида олтинчи марта Бишкекда ҳоким (мер) вазифасини бажарувчи алмаштирилди. Янги шаҳар ҳокими Қирғизистоннинг Иссиқкўл вилоятининг собиқ ҳокими Балбак Тулобаев бўлади, деди илгари ушбу лавозимдан кетишини эълон қилган Нариман Тюлеев.

"Мен ҳозиргина янги мер вазифасини бажарувчи Балбак Тулобаев билан гаплашдим, бу ҳақиқатан ҳам ҳозирги вақтда Бишкек мерияси учун яхши вариант", деб ёзган Бишкекнинг мер в.б. фейсбукда.

22 октябрдан Қирғизистон пойтахти раҳбари бўлиб келаётган Тюлеевнинг сўзларига кўра, “бундай якун аввалдан режалаштирилган эди”.

"Биз интилган нарсалар охир-оқибат табиий натижага олиб келди. Биз шаҳар ҳокимлигини ҳимоя қилдик. Энди мен хотиржамлик билан кетишим мумкин", - деб таъкидлади Тюлеев. У Москвадан қайтгач, расмий равишда нафақага чиқишга ваъда берди.

Тулобаев 26 октябр куни Қирғизистон ҳукуматининг Иссиқкўл вилоятидаги ваколатли вакили лавозимидан кетди. Бунгача у Бишкек мерияси аппаратини бошқарган.

Бу сўнгги уч ҳафта ичида Бишкек мери вазифасини бажарувчи олтинчи ўзгариш. Икки йил олдин ушбу лавозимда ишлаган Азиз Суракматов 6 октабрдаги тартибсизликлар фонида истеъфога чиқиш тўғрисида ариза ёзган, унинг вазифалари "халқ ҳокими" Жоошбек Коеналиев томонидан бажарила бошланган. Кейин 7 октабр куни шаҳар ҳокими яна ўзгариб кетди, шаҳар ҳокими вазифалари биринчи вице-мер Алмаз Бакетаевга топширилди.

Эртаси куни, 8 октябр куни Суракматов фикридан қайтди ва ҳокимиятни 2008-2010 йилларда пойтахтни бошқарган Нариман Тюлеевга 20 октябрда топширгунига қадар бошқарди. Тюлеев бу лавозимда икки кун турди ва 22-куни аллақачон ўзи истеъфога чиқишини эълон қилди ва ваколатларни биринчи вице-мер Бакетаевга топширди, аммо истеъфога оид ҳужжат ҳеч қачон имзоланмаган эди. Энди Тюлеевнинг сўзларига кўра, шаҳар ҳокими лавозими Тулобаевга ўтади.

Қирғизистонда 5 октябр куни 4 октябрда бўлиб ўтган парламент сайловлари натижаларига қарши оммавий норозилик намойишлари бошланди. Намойишчилар ва хавфсизлик кучлари ўртасидаги тўқнашувлардан сўнг, парламентга чиқа олмаган мухолиф партиялар тарафдорлари президент маъмурияти жойлашган парламент биносини эгаллаб олишди. Тўқнашувларда 1,2 мингдан ортиқ одам жароҳат олди, бир киши ҳалок бўлди. Қирғизистон Бош вазири Кубатбек Боронов истеъфога чиқди. Президент Сооронбай Жээнбеков, матбуот котибининг сўзларига кўра, доимо Бишкекда бўлган ва вазиятни назорат қилган. Намойишлар фонида мамлакат МСК сайлов натижаларини бекор қилди.

Бишкекдаги тартибсизликлар 9 октабрда қайта бошланди. Марказий майдонда Бош вазир Садир Жапаров тарафдорлари ва мухолифлари ўртасида тўқнашув бўлиб ўтди. Етти киши жароҳат олди. 15 октабр куни Президент Жээфнбеков ўз хоҳиши билан истеъфога чиққандан кейин республикада вазият барқарорлашди. Намойишлар тугади. Давлат раҳбарининг ваколатлари Бош вазир Садир Жапаровга ўтди.