Бугун Қирғизистон пойтахти Бишкекдаги Олатов майдонида мамлакатдаги коррупцияга қарши тинч намойишлар бўлиб ўтди. Бу ҳақда akipress.org нашри хабар қилмоқда.
Азаттик радиоси (Озодлик радиосининг қирғиз хизмати), Kloop ва OCCRP'нинг мамлакатдаги юзлаб миллион доллар пулларни ювиш схемалари бўйича қўшма материалларини нашр этгандан сўнг, фуқаролар митингга тўпланишди.
Иштирокчилар ҳукуматнинг журналистларнинг материалларига жавоб беришини талаб қилишди.
Тинч намойишлар маҳаллий вақт билан 11.25 да бошланиб, 13.20 да тугади. Иштирокчиларнинг сўзларига қараганда митингда 1000 дан зиёд одамлар иштирок этди.
Учрашув якунида иштирокчилар талаблари билан петицияни имзоладилар ва митингни якунладилар.