АҚШ ҳукумати Хитойнинг 30 дан ортиқ компанияларига, жумладан микрочиплар ишлаб чиқарувчи Yangtze Memory Technologies (YMTC) га нисбатан янги санкциялар жорий этишни режалаштирмоқда. Бу ҳақда манбага таяниб, Bloomberg хабар берди.
Янги санкциялар компанияларнинг АҚШнинг айрим компонентларини сотиб олишига тўсқинлик қилиб, икки давлат ўртасидаги зиддиятни кучайтиради, деди агентлик.
"АҚШ Савдо вазирлиги шу ҳафтанинг бошида Хитойнинг етакчи хотира чиплари ишлаб чиқарувчисини ва бошқаларни объектлар рўйхатига киритади", — дейилади нашрда.
Маълум қилинишича, санкциялар рўйхатидаги компанияларга АҚШ Савдо вазирлигидан махсус экспорт лицензияси олмаса, америкалик етказиб берувчилардан технология сотиб олиш тақиқланади. Гап яримўтказгичлар ва микросхемалар ишлаб чиқариш учун ускуналар ҳақида бормоқда.