Октябрь ойида Россиядан бошқа мамлакатларга суюлтирилган газ етказиб бериш рекорд даражага кўтарилди. Бу ҳақда Bloomberg хабар бермоқда.
Агентлик маълумотларига кўра, октябрь ойида Россиядан ЛНГ экспорти ўтган йилнинг шу даврига нисбатан 1,1 фоизга ўсиб, март ойидан бери энг юқори даражага етди. Ёқилғининг ярмига яқини ҳалигача йўлда бўлишига қарамай, Франция, Хитой ва Япония асосий харидорларга айланди.
Нашрнинг таъкидлашича, ҳозирда Россиядан ЛНГ етказиб бериш бўйича тўғридан-тўғри санкциялар мавжуд эмас. Айни пайтда экспорт ҳажмининг ўсиши қиш фасли яқинлашаётгани сабабли газга бўлган талаб юқори даражада эканидан далолат беради.
17 октябрь куни "Коммерсант" газетаси "Газпром"дан қувурлар етказиб беришнинг қисқариши фонида Европа давлатлари 2022 йилнинг январидан центабрига қадар Россиядан ЛНГ харидини 50 фоизга ошириб, 15 миллиард куб метргача оширганини ёзган эди.
Бунгача АҚШ Давлат котибининг энергия ресурслари бўйича ёрдамчиси Жеффри Пятт Европага суюлтирилган газ экспорт қилиш учун АҚШ ресурсларини сафарбар қилишини маълум қилган эди. Унга кўра, АҚШ 2022 йилда суюлтирилган газ бўйича дунёдаги энг йирик етказиб берувчи бўлади, бу ерда АҚШ экспортининг 70 фоизи Европага йўналтирилади.