Хитой ҳукумати газ импорт қилувчи давлат компанияларига иситиш мавсумида ўзларининг энергия хавфсизлигини таъминлаш мақсадида Европа ва Осиёдаги харидорларга суюлтирилган газни қайта сотишни тақиқлади, деб ёзади Bloomberg.
Вазиятдан хабардор агентлик манбаларига кўра, бу компаниялар PetroChina, Sinopec ва CNOOC бўлиб, уларга маиший эҳтиёжлар учун ёқилғини тежаш буюрилган.
Шу билан бирга, уларнинг фикрича, Европа омборларини тез тўлдириш ва ёнилғи етказиб беришнинг юқори нархи бундай битимларнинг жозибадорлигини пасайтирган.
Афтидан, Пекиннинг ўзи бу қадамни ўз истеъмолчилари учун кичик газ танқислиги прогнозлари фонида қилган. ХХР раиси Си Цзинпин 16 октябрдаги нутқида энергия хавфсизлиги муҳимлигини таъкидлаб, инқироздан қочиш учун давлат иқтисодиётни яшил ўзгартиришга интилишда эҳтиёткор бўлиши кераклигини яна бир бор таъкидлади.
Европада газ нархи август ойидаги энг юқори кўрсаткичдан деярли 60 фоизга арзонлашди, бироқ Москванинг Украинадаги ҳарбий амалиёти ортидан Россия таъминотига боғлиқликни камайтиришга интилаётган бир шароитда улар нисбатан юқорилигича қолмоқда.